STOP ETXEKALERATZEei!

Posted: 2012/12/27 in ETXE KALERATZEAK

Manifestazioa deitu dute Donostian, kaleratzeen aurka konpromisoak eskatzeko

STOP4

Stop Kaleratzeak kolektiboak manifestazioa deitu du larunbatean Donostian, erakundeei, banketxeei eta alderdi politikoei etxegabetzeak ekiditeko konpromisoak har ditzaten eskatzeko.

Stop_desahucios

Stop Kaleratzeak kolektiboko kideek agerraldia egin dute Donostiako Bulebarrean, larunbat eguerdirako antolatu duten manifestazioaren berri emateko.

Ane Martin bozeramaileak azaldu duenez, manifestazioaren helburua da erakundeei, finantza entitateei eta alderdi politikoei etxegabetzeak ekiditeko «konpromiso zehatzak» har ditzaten eskatzea.

Esan duenez, Stop Kaleratzeak kolektiboak bere «sumindura» adierazi nahi du Amaia Egañak bere buruaz beste egin zuenetik denbora igaro bada ere, Gobernu espainolak «oraindik ez du legea aldatu eta banketxeek ez dituzte hipoteka-gauzatzeak gelditu, alderantzizkoa baizik». Izan ere, azken asteotan epaitegietan etxebizitzen enkanteak hazi egin direla salatu du.

STOP

Kaleratzeen inguruan Mariano Rajoyren Gobernuak hartutako neurriak ez direla eraginkorrak nabarmendu du, egun indarrean dagoen Hipoteka-Legearekin ez direlako ez enkanteak ez kaleratzeak gelditu.

Kutxabanken jarrera ere gaitzetsi du, «ez baitu bete hilabeteotan hartutako konpromisoetako bakar bat ere». «Ez du Gobernu espainolak martxoaren 9an onartutako dekretua aplikatu, Eusko Jaurlaritzaren bitartekaritza zerbitzua oztopatu du, Amaia Egañaren suizidioaren ondoren ez du prozedura bat ere gelditu eta bere bezeroei konponbidea eskaini gabe jarraitzen du», salatu du.

Horregatik, alderdi politikoei kaleratzeen aurkako herri ekimen legegilea babesteko eskatu die; Lakuako Gobernuari, etxebizitza politika berria ezar dezala; udalei, kaleratzeak egikaritzen dituzten banketxeekin lan egiteari utz diezaiotela; Kutxabanki, egungo «politika antisoziala» alda dezala eta herritarrei, egoera honen aurka borrokan jarrai dezatela.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s