EH BILDU eta EZKER ANITZA

Posted: 2012/11/28 in EH BILDU

Bere ahotsa Legebiltzarrera eramateko elkarlana eskaini dio EH Bilduk Ezker Anitzari

 

EH Bildu eta Ezker Anitza-IUko ordezkariek bilera egin dute gaur arratsaldean eta krisiari erantzun sozial bat emateko beharrean eta erabakitze eskubidearen inguruan izan duten adostasuna nabarmendu dute biek ala biek ere.

20121128_ehbildu_ezker_anitza

EH Bilduko ordezkaritzak eta Ezker Anitza-IUkoak bilera egin dute gaur azken honen egoitzan. Laura Mintegi izan du buru koalizioaren lan taldeak eta Pello Urizar (EA) eta Dani Maeztu (Aralar) izan ditu alboan. Isabel Salud, Carmen Martiarena eta Iñigo Martinez, izan dira, aldiz, etxekoen ordezkariak.

Bileraren amaieran Mintegi eta Saludek adierazpenak egin dituzte. Nahiz eta bakoitzak bere aldetik hitz egin duen, biak agertu dira bat bi kontutan: krisiari aurre egiteko erantzun sozial baten beharrean eta erabakitze eskubidearen defentsan.

Bere taldeak Gasteizko Legebiltzarrean dauden taldeekin nahiz kanpoan geratu direnekin hitz egingo duela esan du EH Bilduko ordezkariak. Haren esanetan, «ditugun proiektu handiei erantzuteko» beharrezkoa zaie modu horretan aritzea.

Horrez hain, Legebiltzarrean egongo den talde ezkertiar «bakarra» berea izango dela esan du Mintegik, eta horregatik, Ezker Anitza edota EBren ekarpenak beharko dituela aitortu du.

Bere aldetik, Gasteizen bere isla izateko EH Bilduk egin dion proposamena «ongi» ikusten duela esan du Saludek. «Proposamena eskertu diogu eta jarraituko duen bidea ikusten joango gara», aipatu du.

Advertisements

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s