“EGIA BIDE, ASKATASUNA AMETS”

Posted: 2012/11/16 in errepresioa

Brouard eta Muguruza omentzeko, Egiari Zor Fundazioak ekitaldia egingo du asteartean Bilbon

 

Egia bide, askatasuna amets’ lelopean egingo duten ekitaldia aurkeztu dute goizean. Esperantza frontoian izango da.

Fundazioko kideez gain, Josu Muguruzaren alaba Ane eta Santi Brouarden alaba Edurne izan dira. Gatazka armatuaren eta politikoaren konponbidea bideratzeko garrantzitsuak diren hiru gako zehaztu dituzte. Eta esan dute aurreiritziak eta mugak alde batera utzita gatazkaren ondorioetan arreta berezia jartzeko unea dela.

Adierazi dutenez, egia, askatasunerako konpromisoa eta izan diren eta etorkizunean sortuko diren konpromiso guztiak batzea direla gatazka konpontzeko gako nagusiak. 

Memoria kolektiboa osatzeko Euskal Herrian dagoen “aniztasun politikoak” isla izan behar duela adierazi du Ane Muguruzak. “Egiari heltzeko dauden modu eta ikuspegi guztiek osatu behar dute memoria kolektiboa”. Estatuek duten erantzukizuna aitortu eta errepresioaren estrategia eta ondorioak bere gain hartu behar dituztela esan du.  

Era berean, gogora ekarri dute euskal herritarrek belaunaldiz belaunaldi askatasunaren bila eta haren alde jorraturiko bidea. “Etengabeko konpromiso historiko horren testuinguruan izan ziren Santi eta Josuren hilketak”, adierazi du Josu Muguruzaren alabak. Esan duenez, haien aurka tiro egitean, askatasunarekiko konpromisoa hil nahi izan zuten. 

“Askatasuna, egia eta memoria uztartuta, izan diren eta etorkizunean izango diren konpromiso guztiak batzeko erronka du Euskal Herriak”, azaldu du. Askatasunaren ametsa errealitate bihurtzeko gatazka eta haren ondorioak konpontzeko lanean jarraitu beharra dagoela adierazi dute.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s