XUBANen AITA EUSKO LEGEBILTZARREAN

Posted: 2012/05/09 in errepresioa

Joseba Nafarratek Eusko Legebiltzarrean agerraldia egingo du gaur, semearekin gertatutakoa dela eta

 


Martxoaren 29ko greba egunean Ertzaintzak larri zauritu zuen Xuban Nafarrate, eta haren aita Joseba Nafarratek Eusko Legebiltzarrean agerraldia egingo du gaur. Greba hartara deitu zuten sindikatu eta eragile sozialek gertatutakoa dela-eta elkartasuna adierazi diote Nafarrateri eta haren sendiari, eta eskatu dute neurriak hartzeko halakorik gehiago gerta ez dadin. Gaztea berehala osatzeko nahia ere azaldu dute.


Lau puntu jakin jasotzen dituen agiria igorri dute komunikabideetara lan erreformaren kontrako grebara deitu zutenek. Elkartasuna adierazteaz gain, gertatutakoaren ardura Rodolfo Ares Eusko Jaurlaritzako Herrizaingo sailburuarena dela nabarmendu dute. Haren jarrera salatu dute, gertatutakoa argitzeko ikerketarik ez duelako hasi eta «balio ukaezina» eman diolako poliziak aurkeztutako argitze agiriari .

«Egungo polizia eredua» ez dutela gustukoa ere jakinarazi dute, eta «halako polizia ekintzekiko erabateko gaitzespena» azaldu. Beraien irudiko, egoera are larriago egiten du «jardunbide protokolorik ez egoteak».

Greba egunean Nafarrateri gertatutakoaren gisakorik berriz ez dela gertatuko ziurtatzeko bitartekoak ezartzeko eskatu dute, eta gertatutakoaren erantzukizunak argitzea galdegin.

Nafarrate zainketa intentsiboen unitatera eraman behar izan zuten greba egunean. Gasteizko Instrukzio epaitegian jarri zuen salaketan dio «jotzeko asmoa zuen» ertzain bat jarraitzen hasi zitzaiola, eta, hark lasterketari ekin zionean, «metro gutxira zegoen beste ertzain baten» pilotakada jaso zuela buruan. Salaketaren arabera, Nafarratek hamabost minutu egin zituen lurrean, espasmoekin eta konbultsioekin, anbulantzia iritsi aurretik.

Hori frogatzeko, bi bideo aurkeztu ditu Joseba Nafarratek auzitegian, eta lekukoak ere badituztela dio.

Bestelakoa da Aresen bertsioa. Hark dioenez, Nafarrate ez zuen pilotakada batez zauritu, baizik eta Ertzaintzari ihesi korrika ari zela espaloi bat jota.

About these ads

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s